மறைந்த சவுதி அரேபிய மன்னர் அப்துல்லா அஜிஸ் அல் சவுத்தின் மூத்த மகனான இளவரசர் பந்தர் பின் அப்துல்லா அஜிஸ், 1923 ஆம் ஆண்டு பிறந்தவர். தற்போதைய மன்னர் சல்மானின் மூத்த சகோதரரான இவர், எந்த ஒரு பதவியையும் ஏற்காமல் இருந்தவர்.
ஆனால், இவரது மகன்கள் முக்கிய பதவிகளை வகித்து வருகின்றனர். இவரது மகன் ஃபைசல் பின் பந்தர், ரியாத் ஆளுநராக இருக்கிறார். மற்றொரு மகன் அப்துல்லா பின் பந்தர், தேசிய பாதுகாப்பு அமைப்பின் தலைவராகவும் மற்றொரு மகன் காலித் பின் பந்தர், மன்னர் சல்மானின் ஆலோசகராகவும் பணியாற்றுகின்றனர்.
இளவரசர் பந்தர், கடந்த சில ஆண்டுகளாக உடல்நிலை சரியில்லாமல் இருந்தார். இந்நிலையில் ஞாயிற்றுக்கிழமை அவர் உயிரிழந்தார். அவரது மறைவுக்கு அரபு நாட்டு தலைவர்கள் இரங்கல் தெரிவித்து வருகின்றனர்.
0 Comments