இந்த நூற்றாண்டின் தொடக்கத்திலிருந்து இதுவரை 2,300 க்கும் மேற்பட்ட புலிகள் கொல்லப்பட்டு, சட்டவிரோதமாக கடத்தப்பட்டுள்ளன என்றும், புலிகளைப் பாதுகாக்க கூடுதல் நடவடிக்கை எடுக்கப்பட வேண்டும் என்றும் செவ்வாய்க்கிழமை வெளியிடப்பட்ட அறிக்கை வலியுறுத்தியுள்ளது. சராசரியாக ஒவ்வொரு ஆண்டும் சட்டவிரோதமாக கடத்தப்படும் 120-க்கும் மேற்பட்ட புலிகள் கைப்பற்றப்பட்டுள்ளது; அவற்றில் ஒவ்வொரு வாரமும் இரண்டுக்கும் மேற்பட்ட புலிகள் கடத்தப்புகின்றன என்பது குறிப்பிடத்தக்கதாகும் . புலிகள் பாதுகாப்புக் குழுமம் 2000-ம் ஆண்டு முதல், சட்டவிரோதமாக புலிகளை கடத்துவோர் மீது எச்சரிக்கை விடுத்து வந்துள்ளது.
1900-ஆம் ஆண்டில், 1 லச்சத்திற்க்கும் மேற்பட்ட புலிகள் பூமியில் இருப்பதாக கணக்கிடப்பட்டுள்ளது. ஆனால், கடந்த 2010-ஆம் ஆண்டில் உலகளவில் 3,200 புலிகள் மட்டுமே உயிருடன் இருப்பது அதிர்ச்சியளித்துள்ளது.
தென்கிழக்கு ஆசியாவின் புலிகளைப் பாதுகாக்கும் நடவடிக்கைகளுக்குத் தலைமை தாங்கும் அறிக்கை ஆசிரியர் கனிதா கிருஷ்ணசாமி, புலிகளின் எண்ணிக்கையை ஆழமாக ஆராய்ந்து வருகிறோம் என்று கூறினார்.
" சட்டவிரோதமான இந்த கடத்தலில், புலியின் பாகங்களான புலித்தோல்கள், உயிருள்ள மற்றும் இறந்த முழுப் புலியின் உடல், மற்றும் புலியின் எலும்புகள் அதிக எண்ணிக்கையில் கடத்தப்படுவது தக்க ஆதாரங்களாகும்" என்று கனிதா கிருஷ்ணசாமி கூறினார்.
"இதைப்பற்றி பேசுவதற்கான நேரம் முடிந்துவிட்டது; இனிவரும் புலிகளின் இழப்பைத் தடுக்க தேவையான அணைத்து நடவடிக்கைகளும் எடுக்கப்படும்" என்று அவர் அறிக்கையில் தெரிவித்துள்ளார்.
புலியின் உடற்பகுதிகளில் பெரும்பாலும் கைப்பற்றப்பட்டவைகளில் தோல்களே அதிகம் என்றும் ஒவ்வொரு ஆண்டும் சராசரியாக 58 முழுப் புலித் தோல்கள் கைப்பற்றப்படுகின்றன என்றும் அறிக்கை தெரிவித்துள்ளது.
0 Comments