இந்தியாவில், சாம்சங் நிறுவனத்தினால் அதிகம் எதிர்பார்க்கப்பட்ட நான்கு கேமரா கொண்ட கேலக்ஸி ஏ9 ஸ்மார்ட்போன் அறிமுகம் செய்யப்பட்டுள்ளது. புதிய மிட் ரேன்ஜ் ஸ்மார்ட்போன் முன்னதாக மலேசியாவில் அறிமுகம் செய்யப்பட்டு இருந்தது. புதிய கேலக்ஸி ஏ9 ஸ்மார்ட்போன் மாடலில் சாம்சங் நிறுவனம் நான்கு பிரைமரி கேமரா சென்சார்களை வழங்கி இருக்கிறது.
இதில் 24 எம்.பி சென்சார், f/1.7, 10 எம்.பி. டெலிபோட்டோ லென்ஸ், f/2.4, 8 எம்.பி. அல்ட்ரா வைடு லென்ஸ் மற்றும் 5 எம்.பி கேமரா டெப்த் விவரங்களை படம்பிடிக்க வசதியாக வழங்கப்பட்டுள்ளது. இத்துடன் 24 எம்.பி. செல்ஃபி கேமரா, f/2.0 அப்ரேச்சர் கொண்டுள்ளது.
6.3 இன்ச் ஃபுல் ஹெச்.டி. பிளஸ் சூப்பர் AMOLED ஸ்கிரீன், ஸ்னாப்டிராகன் 710 பிராசஸர், 8 ஜி.பி. ரேம், பின்புறம் கைரேகை சென்சார் மற்றும் 3800 எம்.ஏ.ஹெச். பேட்டரி வழங்கப்பட்டுள்ளது. இத்துடன் ஃபாஸ்ட் சார்ஜிங் வசதியும் வழங்கப்பட்டுள்ளது.
சாம்சங் கேலக்ஸி ஏ9 (2018) ஸ்மார்ட்போன் கேவியர் பிளாக், லெமனேட் புளு மற்றும் பபுள்கம் பின்க் உள்ளிட்ட நிறங்களில் கிடைக்கிறது. இந்தியாவில் கேலக்ஸி ஏ9 (2018) 6 ஜி.பி. ரேம் வேரியன்ட் விலை ரூபாய் 36,990 என்றும், 8 ஜி.பி. ரேம் வேரியன்ட் விலை ரூபாய் .39,990 என நிர்ணயம் செய்யப்பட்டுள்ளது.
இந்தியாவில் புதிய கேலக்ஸி ஏ9 ஸ்மார்ட்போன் சாம்சங் ஆன்லைன் தளம், ஏர்டெல், பே.டி.எம். மால், பிளிப்கார்ட், அமேசான் போன்ற வலைதளங்கள் மற்றும் ஆஃப்லைன் விற்பனை மையங்களில் கிடைக்கும் என தெரிவிக்கப்பட்டுள்ளது. இன்று முதல் முன்பதிவு செய்யப்படும் கேலக்ஸி ஏ9 ஸ்மார்ட்போனின் விற்பனை நவம்பர் 28-ஆம் தேதி துவங்குகிறது.
0 Comments