தேர்தல் வாக்குப்பதிவு நடைபெற இருப்பதால் நாளை திரையரங்குகளில் காட்சிகள் ரத்து!

நாளை தமிழகம் முழுவதும் வாக்குப்பதிவு நடை பெற இருப்பதால் திரையரங்குகளில் காலை மற்றும் மதிய காட்சிகள் ரத்து செய்யப்பட்டுள்ளதாக தமிழக திரையரங்கு உரிமையாளர்கள் சங்கம் அறிவிப்பு வெளியிட்டுள்ளது.

தமிழகத்தில் 39 மக்களவைத் தொகுதிகளுக்கான நாடாளுமன்றத் தேர்தல் மற்றும் 18 சட்டப்பேரவை தொகுதிகளுக்கான இடைத்தேர்தல் நாளை நடைபெறவுள்ளது. காலை 7 மணி முதல் மாலை 6 மணி வரை தேர்தல் நடைபெறவுள்ளது. திருவிழாவை முன்னிட்டு, மதுரை மக்களவை தொகுதியில் மட்டும் காலை 7 மணி முதல் இரவு 8 மணி வரை தேர்தல் நடைபெற உள்ளது.

இதையடுத்து, 100% வாக்குப்பதிவை கருத்தில்கொண்டு, தமிழகத்தில் உள்ள அணைத்து திரையரங்குகளில் நாளை காலை மற்றும் மதிய காட்சிகள் ரத்து செய்யப்பட்டுள்ளதாக தமிழக திரையரங்கு உரிமையாளர்கள் சங்கம் அறிவிப்பு வெளியிட்டுள்ளது.