அதிக வருவாய் பெறும் பிரபலங்கள்

2018-ஆம் ஆண்டின் அதிக வருவாய் பெற்ற இந்தியப் பிரபலங்களின் டாப்-100 Forbes பட்டியலில் தொடர்ந்து மூன்றாவது முறையாக முதலிடம் பெற்றுள்ளார் நடிகர் சல்மான் கான்.

இந்தியாவில் 2018-ம் ஆண்டு அதிகம் சம்பாதித்த டாப்-100 பிரபலங்களின் Forbes பட்டியலில் 253.25 கோடி ரூபாய் வருவாய் உடன் முதலிடம் பெற்றுள்ளார் பாலிவுட் நடிகர் சல்மான் கான். 228.09 கோடி ரூபாய் வருவாய் உடன் இரண்டாம் இடத்தில் கிரிக்கெட் வீரர் விராட் கோலி உள்ளார். அடுத்த மூன்றாம் இடத்தில் 185 கோடி ரூபாய் உடன் அக்‌ஷய் குமார் உள்ளார்.

டாப்-10 பட்டியலில் வழக்கம் போல் அமீர் கான், அமிதாப் பச்சன், ரன்வீர் சிங், சச்சின் டெண்டுல்கர், அஜய் தேவ்கன் உள்ளனர். இந்த ஆண்டு திரைப்படங்கள் ஏதும் வெளியாகமல் டாப்-2 இடத்திலிருந்து 13-ம் இடத்துக்குச் சரிந்துள்ளார் பாலிவுட் சூப்பர்ஸ்டார் ஷாருக்கான். இன்றைய ட்ரெண்டிங் பட்டியலில் உள்ள பிரியங்கா சோப்ரா 7-ம் இடத்திலிருந்து 49-ம் இடத்துக்குப் பின் தள்ளப்பட்டுள்ளார். டாப்-100-ல் முதன்முறையாக டாப்-5 இடத்தைக் கைப்பற்றிய முதல் பெண் என்ற பெருமையப் பெற்றுள்ளார் நடிகை தீபிகா படுகோன். மேலும் நடிகைகள் ஆலியா பட், அனுஷ்கா சர்மா, தாப்ஸி பன்னு, நயன்தாரா மற்றும் பேட்மின்டன் வீராங்கணை பிவி சிந்து ஆகியோரும் டாப் 100 பட்டியலில் இடம்பெற்றுள்ளனர்.